Meryll Soriano gustong maidirek si Maricel Soriano at Vilma Santos
Ibinahagi ni Meryll Soriano Angeline ilan niyang plano para sa kanyang career.
Isa sa gustong gawin ni Meryll Soriano ngayong 40 years old na siya ay ang makapagdirek ng pelikula. Pero siyempre, nag-a-aspire pa rin siya ng magagandang role lalo pa ngayong nasa pangangalaga na siya ng Crown Artist Management ni Maja Salvador.
Meryll turned 40 noong December 9, 2022, isang araw bago siya ipakilala ni Maja bilang talent ng kanilang management team.
“I think it’s just a new chapter. Di ba, lagi nilang sinasabi, life begins at 40? And when you’re 20, you don’t understand that. When you’re 30, you don’t understand that.
“But I want to understand that this time. So, dahil papasok na ako sa 40, excited ako. Excited ako kasi, you know, I dedicated my last three years on being a mother.
“And parang I’m also thirsty and I want something for myself. So I think this is the perfect way to, you know, explore again with CAM sa creativity ko, sa passion ko,” saad ni Meryll sa PUSH at sa ilang showbiz press.
May naisip na bang istorya si Meryll na gusto niyang gawin bilang directorial debut?
“More than ten years ago, I really am passionate about this story, about postpartum depression. And I really wanted to make a film about it,” pagtatapat ng aktres.
“Kaya lang, I think, nobody really took me seriously back then. Kasi siyempre, ang laging chikahan lang nila, ‘Ay! Gusto kong gumawa ng pelikula, gusto kong magdirek.’
“And you know, lumaki na ako sa industriyang ito. Laman ako ng set… so I think people would always consider it as, you know, just one of those chikahan.
“And I think I’ve questioned myself also if I really can. Ahhm but this year, I finally found a writer perfect for the film, and the producers. Talagang sabi ko, ‘I think it’s really time.’
“Sabi ko talaga, by 40, I have to make kahit isang pelikula. Just to try it out kung para sa akin ba, kung hindi para sa akin, di ba? It’s something new that I’ve been wanting to do but you know hindi pa siguro talaga panahon.
“But now I’ve also decided na it’s time. So we’re doing research. Nakapag-start na ring magsulat nang konti,” dire-diretsong paliwanag ni Meryll.
Eh, sino ba ang mga gusto niyang maidirek maliban kay Maja?
Tugon niya, “The Diamond Star (Maricel Soriano)! Because why not, you know. I mean, I have shared scenes with her sa comedy, sa TV. Minsan lang sa pelikula.”
“Siyempre pangarap ko muna siyang makasama bilang artista. Sabi ko nga nung nag-ano ako sa YouTube niya, sabi ko, ‘Pangarap ko na makasama ka muna ulit!’ Pero pangarap ko din siyempreng madirek siya.
“And si Ate Vi. Pangarap ko ding madirek si Ate Vi (Vilma Santos) at makasama,” dagdag pa niya.
Naniniwala din si Meryll na hindi magiging mahirap para sa kanya kung ididirek niya si Maricel.
“Nakita ko siya kung papaano magtrabaho noon, and nakita ko rin kung papaano yung ngayon. And collaborative naman si tita.
“And I know that she will give me the floor because she trusts me and she loves me. So I think there’s always that ano—kapag matakot man ako, siya rin yung magba-back sa akin na, ‘Kaya mo yan!’
“So, may certain comfort but of course nakakatakot din because hello! Si Maricel Soriano yan, di ba? But knowing her, because I know her from you know not just as an actor, because she’s my tita, I know na she will be the one who’s going to be my first cheerleader if ever,” kampanteng pahayag ni Meryll.
